Tarlac – Nagsagawa ng Seminar para sa mga Barangay Peacekeeping Action Teams (BPATs) ang Camiling PNP na ginanap sa Camiling Sports Complex, Camiling Public Plaza, Brgy. Poblacion, Camiling, Tarlac nito lamang Biyernes, ika-19 ng Mayo 2023.
Ang naturang seminar ay pinangunahan ni Police Lieutenant Colonel Fritz Tabula, Acting Chief of Police ng Camiling Municipal Police Station.
Bilang katuwang ng Pambansang Pulisya ang ating mga masisipag na miyembro ng BPATs sa pagpapatupad ng seguridad at katihimikan sa mga barangay.
Kaya naman nagbahagi ng kaalaman ang Camiling PNP sa mga aktibong nakilahok na miyembro ng BPATs patungkol sa pagsugpo ng kriminalidad sa kanilang lugar.
Ito ay may temang “Kapulisan, Mamamayan at Simbahan Sama-sama Tungo sa Kaunlaran”.
Patuloy na makikipag-ugnayan ang Camiling PNP sa mga miyembro ng BPATs, maghatid ng kaalaman at kasanayan upang mas maging epektibo at mas mapaigting ang pagbabantay ng katahimikan sa ating pamayanan.
Panulat ni Police Corporal Jeselle Rivera/RPCADU3
