Legazpi, Albay – Sumailalim sa isang araw na pagsasanay ang mga miyembro ng Barangay Anti-Drug Abuse Council at Barangay Peacekeeping Action Team ng Barangay Buyoan, Legazpi City, Albay nitong ika-4 ng Oktubre, 2022.
Ang naturang aktibidad ay pinangunahan ng mga tauhan ng Legazpi City Police Station sa pamumuno ni Police Lieutenant Colonel Dennis B Balla, Officer-In-Charge ng nasabing himpilan.
Ibinahagi ng Legazpi PNP sa mga miyembro ng BADAC at BPATs ang mga tungkulin nito upang muling paalalahanan na mabantayan at mapatupad ang peace and order sa nasabing barangay.
Kaugnay rito, naibahagi din sa naturang pagsasanay ang kaalaman patungkol sa R.A. 9262, Anti-Terrorism, Anti-Criminality at Anti-Illegal Drugs Campaign.
Layunin ng aktibidad na ito na mapalakas at linangin ang kakayahan ng mga miyembro ng BADAC at BPATs na kumilos bilang Force Multiplier o katuwang ng PNP sa pagpapanatili ng kapayapaan at kaayusan sa komunidad.
Source: LegazpiCps Legazpi
Panulat ni PCpl Irene Honey Tria S Abad
