Leyte – Malugod na tinanggap ng mga awtoridad ang boluntaryong pagsuko ng isang regular na miyembro ng Communist Terrorist Group sa Sitio Mahayahay 2, Brgy. San Isidro, Kananga, Leyte nitong ika-21 ng Nobyembre 2023.
Kinilala ang sumuko na si alyas “Gamay”, 50, married, residente ng Sitio Mahayahay 2, Brgy. San Isidro, Kananga, Leyte at kanya ring isinuko ang isang caliber .357 Smith at Wesson with tampered serial number na may lamang 6 na live ammunition.
Ang kanyang pagsuko ay resulta ng patuloy na implementasyon ng Executive Order No. 70 NTF End Local Communist Armed Conflict ng mga tauhan ng 805th Manuever Company, Regional Mobile Force Battalion 8 sa pangunguna ni Police Captain Mark Daniel L Maraquilla, Officer-In-Charge, kasama ang Provincial Intelligence Team Leyte, Regional Intelligence Unit 8 at Kananga Municipal Police Station.
Nasa kustodiya na ngayon ng 805th Maneuver Company si alyas Gamay para sa booking at tamang dokumentasyon habang nakabinbin ang kanyang aplikasyon para mag-avail ng Enhance Comprehensive Local Integration Program (E-CLIP).
Samantala, patuloy naman ang Pambansang Pulisya sa panghihikayat sa mga aktibong miyembro ng mga komunistang grupo na sumuko upang makapagbagong buhay kapiling ang kanilang pamilya.
