Tagbilaran City, Bohol – Nakilahok ang mga tauhan ng Bohol Tourist Police Unit sa Mangrove Planting at Coastal Clean-up Drive sa Purok 4, Bool District, Tagbilaran City, Bohol nito lamang Biyernes, ika-18 ng Nobyembre 2022.
Ang aktibidad ay aktibong nilahukan ng mga tauhan ng Bohol Tourist Police Unit sa pangangasiwa ni Police Captain Neon Francis Balmeo Alvarez, Chief, Bohol TPU katuwang ang iba’t ibang istasyon sa Bohol sa pangunguna ng Bohol Police Provincial Office, Police Mobile Force Company, Tagbilaran City Police Station, Panglao MPS, Dauis MPS, Baclayon MPS, Albur MPS, Loay MPS, Lila MPS, Dimiao MPS, Alpha Kappa Rho Fraternity at ang mga Barangay Officials ng lugar.
Sa pagkakaisa ng grupo ay matagumpay ang mga ito na nakapagtanim at nalinis ang baybayin upang maisaayos at mapanatili ang kagandahan ng kapaligiran.
Sa ilalim ng peace and security framework ng PNP na 𝐌+𝐊+𝐊=𝐊 o 𝐌alasakit, 𝐊aayusan, at 𝐊apayapaan tungo sa 𝐊aunlaran” at 4C’s program ng Regional Director, PRO7 (Connectivity, Critical Thinking, Capability Enhancement), ang programa ay kung saan ang mandato ay pagyamanin ang maayos na relasyon ng Kapulisan, Simbahan at Pamayanan at iba pang sektor sa komunidad.
Patuloy naman na hinihikayat ng Pambansang Pulisya ang mamamayan na pangalagaan at ingatan ang kalikasan at makiisa sa mga aktibidad na naglalayong protektahan at maisaayos ang ating likas na yaman.
