Getafe, Bohol – Nagsagawa ang mga kawani ng Getafe Municipal Police Station ng Tree Planting Activity na ginanap sa Brgy. Salog, Getafe, Bohol noong Miyerkules, Hunyo 8, 2022.
Ayon kay Police Lieutenant Justeofino Hinlayagan, Hepe ng Getafe Municipal Police Station, ang nasabing aktibidad ay kaugnay sa malawakang pagdiriwang ng Philippine Environment Month.
Ayon pa kay Police Lieutenant Hinlayagan, naging katuwang nila sa matagumpay na aktibidad ang mga miyembro ng CENRO-Talibon, Philippine Army, DEPED, MDRRO, Force Multipliers, Alpha Kappa Rho (AKHRO) at TAU GAMMA PHI na kabilang sa mga Advocacy Support Group ng nasabing lugar.
Dagdag pa ni Police Lieutenant Hinlayagan, umabot sa mahigit 400 na piraso ng halamang puno ang naitanim mula sa naturang aktibidad.
Ang naging hakbangin ng Getafe MPS ay alinsunod sa PNP Core Values, “Maka-kalikasan”, isang patunay na ang hanay ng PNP ay nakatuon din sa pagpapahalaga at pagpapaganda ng ating kalikasan.
###
