Sibonga, Cebu – Aktibong sinuportahan ng mga miyembro ng Regional Mobile Force Battalion (RMFB) 7 ang isinagawang Bloodletting Activity noong Martes, ika-4 ng Oktubre 2022 sa Camp Ceperino, Genovia, Brgy. Bahay, Sibonga, Cebu.
Ang aktibidad ay pinangunahan ni Police Captain Melchor M Rodriguez Jr, Company Commander ng 702nd Maneuver Company RMFB 7 katuwang ang mga tauhan ng Mandaue City Eagles Club at Vicente Sotto Memorial Medical Center- Blood Services Unit.
Sa pakikiisa ng mga tauhan ng RMFB 7 at ng iba pang miyembro ng organisayon na naging bahagi ng naturang aktibidad ay nakalikom ang grupo ng tinatayang nasa mahigit 50 bags ng dugo.
Ang pagsusulong ng grupo ng nasabing gawain ay naglalayon na makatulong upang mapunan ang kakulungan ng supply ng dugo sa ilang mga pampublikong pagamutan at nang maipadama ang pagmamalasakit sa mga pasyenteng nangangailangan ng agarang pagsasalin ng dugo na bahagi ng kanilang gamutan para sa pagkakaroon ng maginhawang pakiramdam at maayos na kalusugan.
