Leyte – Boluntaryong nakilahok ang mga tauhan ng Palompon Municipal Police Station sa isinagawang bloodletting activity sa Palompon Civic Center, Palompon, Leyte noong Martes, Oktubre 3, 2022.
Ito ay pinangunahan ni Police Major Ronald D Espina, Officer-In-Charge ng Palompon MPS kasama ang mga tauhan nito at iba pang mga qualified donors.
Ang aktibidad ay inorganisa ng Manuel B. Veloso Hospital sa pakikipagtulungan ng Eastern Visayas Regional Medical Center at Local Government Unit/Rural Health Unit ng Palompon.
Layunin ng naturang aktibidad na matulungan ang mga kababayan na nangangailangan ng dugo at matugunan ang kakulangan ng supply sa rehiyon.
Tinitiyak naman ng Palompon MPS na patuloy silang makikilahok sa mga ganitong aktibidad upang makatulong at maipadama sa kanilang nasasakupan ang tunay na malasakit at pagmamahal ng Pambansang Pulisya.
Panulat ni Patrolwoman Rialyn B Valdez
