Cagayan – Nasa 129 blood donors ang matagumpay na nakapagdonate ng dugo sa isinagawang Bloodletting Activity ng Tuguegarao Component City Police Station na ginanap sa SM City Tuguegarao, Barangay Bagay, Tuguegarao City, Cagayan nito lamang Oktubre 18, 2023.
Ayon kay Police Lieutenant Colonel Richard Gatan, Hepe ng Tuguegarao Component City Police Station, naging katuwang nila ang Cagayan Valley Medical Center at LGU Tuguegarao sa pakikipag-ugnayan sa University of Cagayan Valley.
Umabot sa 58,050cc ang nakuha at nakolektang dugo mula sa magigiting na blood donors na malaking tulong sa mga may pangangailangang medical at makasalba ng maraming buhay.
Naging tema ng aktibidad ang “Dugong Alay, Katumbas ay Buhay” ay nilahukan ng iba’t ibang organisasyon tulad ng RCSU 2, PCADG, PNP Forensic Group, PLEC, Coast Guard, BFP, BJMP, KKDAT, Pastor Santiago Balisi, MBK Life Coach, mga residente at opisyales ng iba’t ibang barangay, Eagles, NSMGEC, Bigkis, Advocacy Support Group at mga estudyante ng University of Cagayan Valley.
Patuloy ang pagsasagawa ng Pambansang Pulisya ng mga aktibidad na sumasalamin sa pagiging makatao at pagpapakita ng malasakit sa kapwa.
Source: Tuguegarao Component City Police Station
