Negros Occidental – Nagsagawa ng Bloodletting Activity ang mga tauhan ng Negros Occidental Police Provincial Office sa Kanlaon Hall, Camp Alfredo M Montelibano Sr, Bacolod City, Negros Occidental nito lamang ika-2 ng Pebrero 2023.
Ang aktibidad ay nilahukan ng iba’t ibang Police Station ng Negros Occidental at nasa mahigit 124 na kapulisan at iba pang volunteers ang sumailalim sa screening at evaluation na isinagawa ng medical team ng Corazon Locsin Montelibano Memorial Regional Hospital (CLMMRH) at 91 naman sa mga ito ang matagumpay na nakapagbahagi ng dugo.
Layunin ng aktibidad na makalikom ng sapat na dugo para sa mga kababayan natin na nangangailangan upang madugtungan pa ang kanilang buhay.
Nagpapasalamat din si Police Colonel Leo Pamittan, Provincial Director ng NOCPPO sa mga nagbahagi ng kanilang dugo gayundin din sa medical team ng CLMMRH.
Aniya, “This activity is very timely because of the consistent demand of blood used in various medical procedures and cases in Negros Occidental.”
Ang Negros Occidental PNP ay patuloy sa mga ganitong programa upang mapanatili ang magandang ugnayan ng kapulisan at mamamayan.
