Legazpi City, Albay – Nagsagawa ng Bloodletting Activity ang mga tauhan ng AVSEU 5, Headquarters sa Padang Shrine, Legazpi City, Albay nito lamang ika-26 ng Nobyembre 2022.
Ang naturang programa ay pinangunahan ni Police Colonel Joanna M Zarcilla, Chief, AVSEU 5, katuwang ang Philippine Red Cross.
Ang aktibidad ay may temang “Bigkis ng Dugo, Dugtong sa Buhay” na naglalayong matulungan ang ating mga kababayan na lubos na nangangailangan ng supply ng dugo.
Patuloy na makikiisa ang PNP Aviation Security Group sa mga programang inilulunsad ng pamahalaan na walang ibang hangad kung hindi mapunan ang pangangailangan ng ating mamamayan partikular na sa usaping pang kalusugan.
