Antipolo City – Nagsagawa ng Bloodletting Activity ang Antipolo PNP na ginanap sa Antipolo National High School, Brgy. Sta. Cruz, Antipolo City bandang 7:00 ng umaga nitong Sabado, Abril 23, 2022.
Pinamunuan ni Police Lieutenant Colonel June Paolo Abrazado, Acting Chief of Police ng Antipolo City Police Station ang nasabing aktibidad sa pakikipagtulungan ng Dugong Alay Dugtong Buhay Foundation, Chinese General Hospital and Medical Center, Antipolo National High School sa pangangasiwa ng Antipolo National High School Batch 97.
Limang PNP personnel ng Antipolo City Police Station ang boluntaryong nakuhanan ng dugo sa kabuuang 55 na volunteer na nakiisa at lumahok sa aktibidad.
Layunin ng naturang aktibidad na mapaabot ang tulong ng Antipolo PNP sa mga mamamayan na nangangailangan ng dugo upang madugtungan ang buhay ng mga may sakit at matugunan ang pangangailangan sa dugo.
###
Police Executive Master Sergeant Joe Peter Cabugon
