Cebu City – Nagsagawa ng Bloodletting Activity ang mga tauhan ng Police Regional Office 7 kaugnay sa National Blood Donors’ Month na may temang “Give Blood and Keep the World Beating” sa Multipurpose Hall, Camp Sergio Osmenia, Cebu City nito lamang Hulyo 11, 2022.
Ang nasabing aktibidad ay pinangunahan ni Police Colonel Antonietto Y Cañete, Chief, RCADD7, na dinaluhan nina Police Captain Mark Renzi Ogalesco, OIC, PRO 7 Chaplain Service; Police Colonel Jose V Sales Jr., Chief, RMDU7; Police Lieutenant Colonel Maria Aurora Rayos, Chief, PIO; RPCADU 7 personnel na pinamumunuan ni Police Major Wilfredo Sangel; DOH7 sa pamumuno ni Jocelyn Tabotabo RN, MPA, Red Cross at iba pang ahensya ng pamahalaan.
Ayon kay Police Colonel Cañete, naging matagumpay ang naturang aktibidad na nilahukan ng nasa mahigit 70 na miyembro ng kapulisan mula sa Police Regional Office 7.
Ang Pambansang Pulisya ay patuloy sa pagbibigay ng magandang serbisyo sa mga mamamayan at maituturing na pinakamahusay na pagsisikap ng Police Regional Office 7 upang makalikom ng sapat na supply ng dugo para matulungan ang mga kababayan nating lubos na nangangailangan.
###
Panulat ni Patrolwoman Jenilyn Consul
