Narra, Palawan – Nagsagawa ng Blood Letting Activity ang 1st Palawan Provincial Mobile Force Company sa Center Point, Brgy. Poblacion, Narra, Palawan nito lamang Lunes, Hunyo 20, 2022.
Ang aktibidad ay pinangunahan ng 1st Palawan PMFC sa pamumuno ni Police Lieutenant Dinnoh Genoves Platoon Leader, sa pakikipag-ugnayan sa Philippine Red Cross, katuwang din ang mga tauhan ng Marine Battalion Landing Team-4, Citizen Armed Force Geographical Unit, at Municipal Health Office na may temang “Dugo ko, Alay ko para sa Palaweño”.
Dumaan sa iba’t ibang screening ang mga donors upang masiguro ang kanilang kaligtasan at pati ang mga benepisyaryo ng malilikom na dugo.
Ang aktibidad na ito ay naglalayong tiyakin ang sapat ng suplay ng dugo at ayusin ang paghahatid ng serbisyo ng dugo sa lokalidad, para makalikom, makatulong at makapamahagi ng libreng dugo sa mga pasyenteng may malalang karamdaman at nangangailangan ng dugo upang madugtungan ang kanilang buhay.
Source: FirstPalawan Pmfc
###
Panulat ni Patrolman Erwin Calaus
