Sorsogon City – Nagsagawa ng Blessing, Memorandum of Agreement Signing, at Turn-over ng Public Toilet ang Sorsogon City PNP sa Purok 1, Barangay Cambulaga, Sorsogon City nito lamang Martes Oktubre 4, 2022.
Ang naturang proyekto ay naging posible sa pamamagitan ng pagsisikap ng Sorsogon City Police Station sa ilalim ng pamumuno ni Police Lieutenant Colonel Jeric Don P Sadia, Chief of Police, sa ilalim ng pangangasiwa ni Police Lieutenant Colonel Nonito F Marquez, Officer-In-Charge, Sorsogon Police Provincial Office.
Ang proyektong ito ay pinasimulan ng nasabing istasyon sa ilalim ng Retooled Community Support Program bilang pagsuporta sa flagship program ni Chief PNP na MKK=K o Malasakit, Kaayusan, Kapayapaan tungo sa Kaunlaran.
Sa tulong ng mga stakeholders at ng buong pwersa ng Sorsogon City PNP ay naipatayo ang espesyal na proyektong ito upang matugunan ang pangangailangan ng komunidad ng nasabing barangay.
Ang Pambansang Pulisya sa ilalim ng MKK=K program alinsunod sa 7K program ng Sorsogon Province, tinitiyak ang katarungang panlipunan at mainstreaming peace and development thrusts na nakatuon sa pagbibigay ng kinakailangang serbisyo ng gobyerno upang mas mapaganda ang ugnayan ng PNP at komunidad.
