Cebu – Matagumpay na isinagawa ang blessing at turn-over ceremony ng pitong (7) Brand New Mobile Patrol Sport Utility Vehicles (Patrol Cars) para sa Toledo City Police Station na ibinigay ng lokal na pamahalaan ng Toledo City na ginanap sa Sitio Lawis, Brgy. Luray 11, Toledo City nito lamang Huwebes, Marso 30, 2023.
Ang seremonya ay pinangunahan ni Police Colonel Alladin Collado, Chief Regional Staff, na siyang masugid na dinaluhan ni City Mayor, Hon. Marjorie “Joie” Piczon-Perales at mga miyembro ng Sangguniang Panlungsod kasama ang mga tauhan ng Toledo CPS na pinamumunuan ni Police Lieutenant Colonel Dennis De Guzman, Chief of Police.
Dumalo rin sa nasabing programa sina Hon. Jay B Sigue, Vice-Mayor, Hon. Amuerfino A Perales, Hon. Ophelio L Dolino, Hon. Eric Espinosa, Sanguniang Panlungsod, Police Colonel Rommel Ochave, Provincial Director, CPPO, mga stakeholder at Force Multipliers ng Jing Barret.
Ang mga nasabing sasakyan ay siyang pinondohan ng Local Government Unit (LGU) ng Toledo City para sa Peace and Order at Public Safety Plan na makakatulong para sa mga kapulisan ng Toledo City Police Station na palakasin ang kampanya laban sa anumang uri ng kriminalidad at pagpapanatili ng kapayapaan at kaayusan para sa ikakaunlad ng naturang lungsod.
Ang buong hanay ng Toledo City Police Station ay taos pusong nagpapasalamat sa mga bagong patrol cars na ipinagkaloob sa kanila na magagamit sa pagbibigay ng serbisyo sa mamamayan at pagpapanatili ng kaayusan.
