Maguindanao del Norte – Nagsagawa ng Blessing at Turn-Over Ceremony ang pamunuan ng Police Regional Office Bangsamoro Autonomous Region sa Camp BGen S.K. Pendatun Parang, Maguindanao del Norte, nito lamang ika-18 ng Mayo 2023.
Pinangunahan ni PBGen Allan Cruz Nobleza, Regional Director ng PRO BAR, ang nasabing seremonya katuwang ang iba’t ibang stakeholders.
Ayon kay PBGen Nobleza, 200 na yunit ng 5.56mm Assault Rifle, 86 na 150cc Honda motorcycle, at apat na PNP patrol car ang ipapamahagi sa iba’t ibang Police Station na nasasakupan ng PRO BAR.
Naniniwala ang buong pamunuan ng PRO BAR na mas magiging epektibo ang pagbibigay serbisyo publiko ng kanilang mga personahe sa bagong kagamitan na ito sa kanilang nasasakupan.
Dagdag pa nito, mas mapapabilis at mapapadali ang pagresponde ng mga kapulisan sa anumang krimen na mangyayari at mababawasan ang pagkakataon na makagawa ng krimen dahil sa presensya ng kapulisan sa ating komunidad.
Ito ay isang patunay na ang PRO BAR katuwang ang lokal na pamahalaan ay patuloy na pinalalakas ang kanilang serbisyo publiko at sama-samang makamit ang kapayapaan sa Rehiyon ng Bangsamoro.
Panulat ni Pat Mark Vincent Valencia
