Cagayan de Oro City – Isinagawa ang Blessing at Turn-over Ceremony sa anim na Toyota Hilux Patrol Car sa Police Regional Office 10 sa Camp 1Lt Vicente G Alagar, Lapasan, Cagayan de Oro City nito lamang Martes, ika-29 ng Nobyembre 2022.
Ang aktibidad ay pinangunahan ni Police Brigadier General Lawrence Coop, Regional Director, Police Regional Office 10.
Dumalo sa aktibidad ang iba’t ibang matataas ng opisyal mula sa mga Police Provincial Office 10 para saksihan ang Blessing at Turn-over ng mga bagong Patrol Cars.
Ang anim na Toyota Hilux Patrol Car ay para sa 1st Provincial Mobile Force Company ng Bukidnon Police Provincial Office; Kitaotao Municipal Police Station ng Bukidnon Police Provincial Office; 1st Provincial Mobile Force Company Lanao del Norte Police Provincial Office; 1st Provincial Mobile Force Company ng Misamis Occidental Police Provincial Office; 1st Provincial Mobile Force Company ng Misamis Oriental Police Provincial Office at Regional Mobile Force Battalion 10.
Angkop ito sa PNP Modernization na magagamit sa pagbibigay ng serbisyo sa mamamayan ng Hilagang Mindanao na mapanatiling maayos at payapa tungo sa kaunlaran ng nasasakupang rehiyon.
Panulat ni Patrolman Joshua Fajardo/RPCADU 10
