Pinangunahan ni Police Brigadier General Romeo Juan Macapaz, Regional Director ng Police Regional Office Bangsamoro Autonomous Region ang Blessing at pormal na inagurasyon ng bagong gusali ng South Upi Municipal Police Station sa Poblacion Timanan, Barangay Romongaob, South Upi, Maguindanao del Sur nito lamang ika-3 ng Pebrero 2025.
Dumalo rin sa nasabing aktibidad ang mga opisyal ng lokal na pamahalaan, kinatawan mula sa iba’t ibang sektor ng komunidad, at iba pang panauhin na nagpakita ng kanilang suporta sa pagpapalakas ng seguridad at kaayusan sa bayan ng South Upi.
Ang naturang proyekto ay naisakatuparan sa pamamagitan ng pagtutulungan ng Philippine National Police, lokal na pamahalaan, at mga stakeholder na may malasakit sa seguridad at kaunlaran ng komunidad.
Sa pagtatapos ng programa, ipinahayag ng South Upi MPS ang kanilang dedikasyon sa patuloy na pagbibigay ng epektibong serbisyo sa publiko tungo sa isang mas ligtas at payapang pamayanan.
Panulat ni Patrolwoman Ma. Señora Agbuya
