Idinaos ang Blessing at pormal na Inagurasyon ng bagong gusali ng Madalum Municipal Police Station sa Barangay Delausan, Madalum, Lanao del Sur nito lamang ika-4 ng Pebrero 2025.
Pinangunahan ni Police Brigadier General Romeo Juan Macapaz, Regional Director ng Police Regional Office Bangsamoro Autonomous Region, ang seremonya, kasama ang pamunuan ng Lanao del Sur Police Provincial Office, mga opisyal ng lokal na pamahalaan, kinatawan mula sa iba’t ibang sektor ng komunidad, at iba pang panauhing nagpakita ng kanilang suporta sa pagpapalakas ng seguridad at kaayusan sa bayan.
Ang pagsasakatuparan ng proyektong ito ay bunga ng pagtutulungan ng Philippine National Police, lokal na pamahalaan, at mga stakeholder na may malasakit sa kapayapaan at kaunlaran ng komunidad.
Sa pagtatapos ng programa, muling ipinahayag ng mga miyembro ng Madalum MPS ang kanilang matibay na dedikasyon sa pagbibigay ng mas epektibo at de-kalidad na serbisyo sa publiko, tungo sa isang mas ligtas, mapayapa, at maunlad na pamayanan.
Panulat ni Patrolwoman Ma. Señora Agbuya
