General Santos City – Dalawang miyembro ng Communist Terrorist Group ang sumuko habang isinasagawa ang Community Immersion Program and Implementation of Major ISO (Oplan Panagtapok) sa Barangay Zion, Maitum, Sarangani Province noong Nobyembre 14, 2022.
Kinilala ni PBGen Jimili Macaraeg, Regional Director ng PRO 12 ang mga sumukong CTG members na sina alyas “Ping/Bon Jovi”, 38, residente ng Maitum, Sarangani at si alyas “Jenjen”, 25, residente naman ng T’boli, South Cotabato na nasa ilalim ng Platoon Central Musa of GF 73, FSMR, NPA at Daguma, 2nd Squad, Anugas Cherry Mobile FGU, NPA.
Ang mga nabanggit na indibidwal ay sumuko sa mga awtoridad bilang resulta ng pinaigting na Major Internal Security Operation: Oplan Panagtapok bilang suporta sa mga aktibidad ng Community Immersion Program tulad ng pagsasagawa ng Kasimbayanan; Kapayapaan Phase of the CPNP’s Peace and Security Framework; Serbisyo ng PRO12 na may temang Service with a H.E.A.R.T. (Peace and security approach) sa ilalim ng Executive Order. 70: National Task Force to End Local Communist Armed Conflict series of 2018.
Kasabay ng kanilang pagsuko ay dala nila ang ilang kalibre ng baril tulad ng improvised 12 Gauge Pistol, kalbre .45 pistol at isang rifle grenade kasama ang ilang live rounds of ammunition.
“Habang tayo ay nakatuon sa pagbuo ng katumbas na responsibilidad sa pagtataguyod ng kapayapaan at kaayusan sa rehiyong ito, masasabi kong mas maraming miyembro ng CTG ang mahihikayat na bumalik sa gobyerno at talikuran ang ideolohiyang komunista”, ani PBGen Macaraeg.
Panulat ni Patrolman Gio Batungbacal
