Corella, Bohol – Patuloy ang pagsasagawa ng mga kawani ng Corella Municipal Police Station ng programang Bisita Eskwela ng PNP sa Brgy. Cancatac, Corella, Bohol nito lamang ika-13 ng Agosto 2022.
Ang aktibidad ay pinangunahan ni Police Lieutenant Rodante Paredes Sanchez, Hepe ng Corella Municipal Police Station, katuwang ang mga tauhan nito.
Kasama sa pagbisita ng Corella PNP ang pamamahagi ng school supplies para sa mga bata at nagpakain ng mga pagkain na inihanda para sa mga ito.
Kasabay din ng kanilang programa ang pagbibigay ng kaalamam patungkol sa mga batas na nangangasiwa ng kanilang mga karapatan kagaya ng Anti-Bullying Act of 2013 o RA 10627, Special Protection of Children against Child Abuse, Exploitation and Discrimination Act o RA 7610 at iba pa.
Layunin ng naturang programa na impluwesyahan ang mga mag-aaral na maging “STRONG” o Smart, Talented, Responsible, Obedient, Nice and God Fearing.
Lubos naman ang pasasalamat ng mga bata at kanilang mga magulang sa handog ng Corella PNP na mga gamit, pagkain at higit sa lahat ang kaalaman na kanilang nakalap mula sa programa.
