Nagsagawa ang mga tauhan ng PNP Guihulngan City Police Station ng Bisita Eskwela bilang bahagi ng pakikiisa sa National Crime Prevention Week sa Guihulngan South Central School, Barangay Poblacion, Guihulngan City, Negros Oriental noong ika-3 ng Setyembre 2024.
Sa naturang pagbisita ay nagsagawa ang mga kapulisan ng talakayan at pamimigay ng mga flyers sa mga mag-aaral ng ikatlong baitang ng Special Program for Science ng naturang paaralan.
Layunin ng PNP na palakasin ang kamalayan ng mga kabataan tungkol sa kahalagahan ng pagpigil sa krimen at pagiging responsable sa komunidad. Ang mga mag-aaral ay binigyan ng kaalaman tungkol sa iba’t ibang paraan upang maging ligtas at maiwasan ang anumang uri ng krimen sa kanilang paligid.
Ang inisyatibong ito ay kaagapay ng layunin ng “Bagong Pilipinas” na itaguyod ang kapayapaan at kaayusan sa bawat komunidad. Sa bagong direksyon na ito ng ating pamahalaan, binibigyang-pansin ang mga programang naglalayong protektahan ang mga kabataan at hubugin sila bilang responsableng mamamayan na aktibong nakikilahok sa pagpapanatili ng kaligtasan.
Source: Guihulngan CPS
