Isinagawa ng mga tauhan ng Lebak Municipal Police Station ang Bisikleta Iglesia bilang taunang programa ng PNP sa panahon ng holy week sa iba’t ibang lugar sa Poblacion, Lebak, Sultan Kudarat nito lamang ika-17 ng Abril, 2025.
Pinangunahan ni Police Lieutenant Colonel Joseph C Galleto, Hepe ng nasabing istasyon ang nasabing aktibidad.
Sakay ang mga kapulisan sa kani-kanilang mga bisikleta ay nag-ikot-ikot sa mga malalaking simbahan sa bayan, public market, terminals at mga pasyalan upang magbigay seguridad at magbantay sa mga nabanggit na lugar.
Layunin ng aktibidad na ito na mapanatili ang kaayusan at kapayapaan sa mga nabanggit na lugar para sa mas pinaigting na seguridad sa pagdiriwang ng Holy Week.
Ang Lebak PNP ay patuloy na nagsasagawa ng mga police visibility at proactive measures upang maiwasan ang anumang krimen ngayong Semana Santa.
