Arestado ng pulisya ang 23 anyos na binata at tinaguriang Top 9 Most Wanted Person sa Provincial Level sa kasong panggagahasa sa Purok 12, Barangay Poblacion, Carmen, Cotabato nito lamang ika-25 ng Marso 2024.
Kinilala ni Police Lieutenant Colonel Rey B Salgado, hepe ng Carmen Municipal Police Station, ang suspek na si alyas “Arnel”, 23 anyos, isang labor, at residente ng nasabing lugar.
Ayon kay PLtCol Salgado, nahuli ng mga tauhan ng Carmen MPS ang suspek sa bisa ng Warrant of Arrest sa kasong Rape na walang piyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng ligtas at mapayapa na bansa para sa sambayanang Pilipino tungo sa Bagong Pilipinas.
Panulat ni Patrolwoman Flora Mae P Asarez-RPCADU-12
