Nirespondehan ng mga tauhan ng Langihan Police Station ang isang sugatang lalaki na biktima ng pamamaril ng riding-in-tandem na naganap sa Purok 8 Langihan Road, Barangay Limaha, Butuan City bandang 9:00 ng gabi nito lamang ika-17 ng Hunyo 2024.
Kinilala ang biktima na si alyas “Rodulfo”, nasa wastong gulang, may live-in partner at residente ng Purok 8 Langihan Road, Butuan City.
Batay sa inisyal na imbestigasyon ng Langihan PNP, nabatid ayon sa salaysay ng mga bystanders na riding-in-tandem ang mga suspek sa pamamaril sa nasabing biktima.
Ito ang naging sanhi ng pagkahulog ng biktima sa kanyang minamanehong Yamaha Aerox na motorsiklo dahil sa tama ng bala sa kanyang binti.
Narekober sa pinangyarihan ng krimen ang 16 na basyo, isang (1) magasin, isang (1) black holster, apat (4) na heat-sealed cellophanes na naglalaman ng hinihinalang shabu, isang (1) helmet, at isang (1) black Yamaha Aerox na may plate no. ZSJ 717.
Agad naman tumawag ang mga awtoridad ng ambulansya para sa atensyong medikal ng biktima.
Patuloy pa rin ang Butuan PNP sa pagsasagawa ng malalim na imbestigasyon para sa posibleng pagkadakip ng mga suspek at mabigyan ng hustisya ang biktima at mapanatili ang kaayusan at kaligtasan ng bawat isa tungo sa isang ligtas na Bagong Pilipinas.
Panulat ni Patrolwoman Karen Mallillin
