Maasin, Iloilo – Lumahok ang nasa 100 miyembro ng Iloilo Police Provincial Office kasama ang mga tauhan ng Iloilo Provincial Mobile Force Company at ng mga kalapit na istasyon ng pulisya ang lumahok at nakiisa sa Bike-Hike-Plant 2022 na ginanap sa Barangay Daja, Maasin, Iloilo nito lamang ika-26 ng Hunyo 2022.
Pinangunahan ni Police Lieutenant Colonel Jojo Tabaloc, Chief ng Police Community Affairs and Development Unit ng Iloilo Police Provincial Office ang nasabing aktibidad sa ilalim ng pamumuno ni Police Colonel Adrian Acollador, Provincial Director.
Ang naturang bike-hike-plant ay inorganisa ng Department of Environment and Natural Resources – Forest Management Bureau bilang pakikiisa sa pagdiriwang ng ika-159 na anibersaryo ng Philippine Forestry Service at Arbor Day.
Kabilang sa mga nakibahagi sa naturang aktibidad ang mga tauhan ng 1st Iloilo PMFC; Municipal Police Stations ng Zarraga, Maasin, Cabatuan, Santa Barbara, at Pavia; Local Government Unit sa Lalawigan ng Iloilo; at ng iba pang ahensya ng pamahalaan.
Tinatayang nasa 1,000 bikers, hikers, at iba pang stakeholders ang nakilahok sa nabanggit na gawain na sumama sa opening program na ginanap sa Esplanade Skate Park sa Iloilo City at tumuloy sa Maasin Watershed Forest Reserve sa Brgy. Daja, Maasin, Iloilo para magtanim ng mga katutubong puno.
Ang buong himpilan ng Pambansang Pulisya ay kaisa ng buong pamayanang Pilipino sa pangangalaga ng ating kapaligiran at sa pagpapanatili ng kaayusan nito.
###
