Sultan Kudarat – Boluntaryong sumuko ang isang miyembro ng Bangsamoro Islamic Freedom Fighter (BIFF) – Karialan Faction sa Sultan Kudarat Police Provincial Office, Kalawag 2, Isulan, Sultan Kudarat nito lamang Martes, Nobyembre 14, 2023.
Kinilala ni Police Colonel Christopher Bermudez, Provincial Director ng SKPPO, ang sumuko na si alyas “Joemar”, 22, walang asawa at residente ng Brgy. Bakat, Rajah Buayan, Maguindanao Del Sur.
Isinuko rin nito ang kanyang armas na isang yunit ng granada at Cal. 38 revolver na may kasamang anim na bala.
Matagumpay na napasuko si Joemar dahil sa patuloy na negosasyon at serbisyong nagkakaisa ng mga tauhan ng Sultan Kudarat PNP, Regional Intelligence Division 12, RIU12-PITSK, Isulan Municipal Police Station, Sultan Kudarat Provincial Highway Patrol Team at 43rd Special Action Company ng PNP Special Action Force.
Patuloy ang Sultan Kudarat PNP sa panawagan sa mga natitira pang miyembro ng BIFF na iwanan ang grupo, magbalik-loob sa gobyerno at magsimulang muli kasama ang kanilang mga mahal sa buhay.
Panulat ni Patrolman Khnerwin Jay A Medelin
