General Santos City – Naglunsad ng “Buhay Ingatan Droga’y Ayawan” o BIDA Program ang mga tauhan ng General Santos City Police Office sa Lagao Gymnasium, Barangay Lagao, General Santos City nitong ika-15 ng Pebrero 2023.
Pinangunahan ng General Santos City Police Office ang naturang aktibidad katuwang ang Department of the Interior and Local Government (DILG) at Local Government Unit ng General Santos City upang ipakita ang buong suporta at pangako na ipagpatuloy ang kampanya laban sa ilegal na droga.
Mahigit 1,500 na kalahok ang boluntaryong nakiisa mula sa iba’t ibang ahensya ng Gobyerno, Media Practitioners, Advocacy Support Groups, Criminology Intern Units mula sa iba’t ibang kolehiyo, KASIMBAYANAN Key Players, Metal Horse Riders at BIDA Teams na nagsama-sama para sumuporta sa nasabing programa.
Binigyan ng Certificates of Drug Cleared Barangay ang Barangay Baluan at Barangay Dadiangas North para sa pagiging Drug-Cleared na Barangay ng General Santos City habang ang Resolutions of Drug Cleared Status ay ibinigay sa mga Barangay ng Upper Labay, San Jose at Olympog na sinundan ng symposium na isinagawa ng mga resource speaker mula sa Philippine Drug Enforcement Agency, Drug Abuse Treatment and Rehabilitation Center at ang GenSan PNP.
Nagtapos ang aktibidad sa pagtatanghal ng isang sayaw mula sa PRO 12 Dance Ensemble at ng BIDA Serbisyo Caravan kasama ang mga katuwang na ahensya.
Panulat ni Patrolman Charnie Atienza Mandia
