Pampanga – Umarangkada ang Minalin PNP sa kanilang BIDA o “Buhay Ingatan, Droga’y Ayawan” Program at PNP KASIMBAYANAN o Kapulisan, Simbahan at Pamayanan sa mag-aaral ng Bulac National High School, Minalin, Pampanga nito lamang Biyernes, ika-3 ng Pebrero 2023.
Ito ay pinamunuan ni Police Major Lalaine Gopez, Chief of Police ng Minalin Municipal Police Station katuwang si Pastor Ru Dela Torre, His Life City Church.
Nagbahagi ng kaalaman ang mga awtoridad patungkol sa Anti-Illegal Drug Awareness Lecture sa ilalim ng programa ng “Buhay Ingatan Droga’y Ayawan” (BIDA).
Samantala, nanguna naman si Pastor sa pagbabahagi ng pananampalataya sa ating Panginoon at nilalaman ng Bibliya sa mga mag-aaral.
Sinisiguro ng Pambansang Pulisya na patuloy sa pakikipag-ugnayan sa mga mag-aaral upang mas mapalawak ang kaalaman patungkol sa mga ipinatutupad na batas.
Source: Minalin Municipal Police Station
Panulat ni Police Corporal Jeselle Rivera/RPCADU3
