Isabela – Naghandog ng maagang pamasko ang Confederation of Ilocano Association Inc., Samahang Ilocano (CIASI), LGU at kapulisan ng Benito Soliven Police Station sa Brgy. Sta. Cruz, Benito, Soliven, Isabela noong ika-10 ng Disyembre 2022.
Dalawang maralitang pamilya ang napili na pinagkalooban ng wheelchair, gift packs at tulong pinansyal na parehong may anak na paralisado.
Lubos ang pasasalamat ng dalawang benepisyaryo dahil lubha silang nangangailangan ng tulong para sa ikagagaan ng kanilang sitwasyon.
Maliban sa kanilang natanggap ay kabilang din sila sa mga napiling pamilya na bibigyan ng regalo sa mismong araw ng pasko.
Layunin ng aktibidad na ito na maipadama sa kapwa ang tunay na pagmamalasakit sa pamamagitan ng pagbibigay ng tulong na siyang sumasalamin sa kahalagahan ng Pasko.
Source: Benito Soliven PS
Panulat ni PSSg Jerlyn V Animos
