Wagi ang short advocacy film ng Philippine National Police na “BENEPISYO” sa kategoryang “BEST ADVOCACY FILM” sa 2025 FAMAS Short Film Festival na ginanap sa Music Museum, San Juan City, kagabi, Mayo 10, 2025.
Personal na tinanggap ni Chief, PNP Police General Rommel Francisco D Marbil ang tropeyo sa isinagawang Awards Night kasama sina Police Major General Rhoderick Augustus B Alba, Director ng Police Community Relations, at Police Brigadier General Marvin Joe C Saro, Director ng Police Community Affairs and Development Group.
Sa maikling mensahe ni Chief, PNP PGen Marbil, kanyang nabanggit ang adhikain ng PNP na ipakita at ipaalam sa publiko ang mga benepisyo at tulong na ibinibigay ng pulisya sa mga pulis na nasusugatan o nasasawi sa mga operasyon, at anya, hinding-hindi sila pababayan ng PNP.
Ang naturang award ay pagkilala sa husay at ganda ng “BENEPISYO” na nagpapakita ng mataas na dedikasyon at sakripisyo ng mga pulis sa araw-araw nilang pagbibigay-serbisyo sa bayan at mamamayan. Tampok din dito ang mga benepisyo at tulong na ipinagkakaloob ng PNP, pamahalaan, at katuwang na ahensya sa mga pulis na wounded and killed in police operations.
Naisakatuparan ang short advocacy film na ito mula sa inisyatibo ni Chief, PNP PGen Marbil bilang bahagi ng kanyang adhikain na bigyang pansin at palakasin ang morale at welfare ng mga pulis at ang kanilang pamilya.
Isa ang “BENEPISYO” mula sa mahigit 500 short film entries na dumaan sa masusing pagpili ng mga jury. Mula sa mga nominadong short film, umangat ang “BENEPISYO” sa kakaibang adbokasiya nito na ipakita ang pagpapahalaga sa buhay ng mga alagad ng batas, lalo na sa panahon na sila ay kabilang sa mga “wounded and killed in police operations”
Congratulations at maraming salamat sa lahat ng taong nasa likod nito. Mabuhay ang PNP!
