Jaro, Iloilo City – Arestado ang isang beautician na tulak ng droga sa PNP buy-bust sa Sitio Matawhay, Brgy. Tabuc Suba, Jaro, Iloilo City nito lamang ika-4 ng Agosto 2022.
Kinilala ni Police Lieutenant Colonel Antonio P Benitez Jr, Officer-In-Charge ng Regional Police Drug Enforcement Unit 6, ang suspek na si Jonel Legaspi Hulipa alyas “Mahal”, 38, isang beautician at residente ng nasabing lugar.
Ayon kay PLtCol Benitez Jr, nahuli ang suspek sa pinagsanib pwersa ng RPDEU 6 at Station Drug Enforcement Team ng Iloilo City Police Station 3 matapos itong magbenta sa isang poseur-buyer ng isang pakete ng hinihinalang shabu na nagkakahalaga ng Php12,000.
Ayon pa kay PLtCol Benitez, nakuha sa suspek ang mga drug paraphernalia, buy-bust money, isang Samsung Cellular box na naglalaman ng 19 na big heat-sealed transparent plastic sachets at pitong piraso ng maliliit na heat-sealed transparent plastic sachets ng hinihinalang shabu at tumitimbang ng 101 gramo na may market value na nagkakahalaga ng Php686,800.
Ang akusado ay nahaharap sa kasong paglabag sa R.A. 9165 o Comprehensive Dangerous Drugs Act of 2002.
Sinisiguro naman ng Regional Police Drug Enforcement Unit 6 na paiigtingin pa ang operasyon nito laban sa pagbebenta ng ilegal na droga.
###
Panulat ni Patrolman Brent Marx A Ngaya-an
