Nueva Vizcaya – Pinangunahan ng Bayombong PNP ang pagsasagawa ng Revitalized KASIMBAYANAN na inilunsad sa Brgy. La Torre North, Bayombong, Nueva Vizcaya, nito lamang ika-23 ng Disyembre 2022.
Ang aktibidad ay aktibong nilahukan ng mga miyembro ng iba’t ibang Advocacy Support Groups sa bayan ng Bayombong.
Kabilang sa mga dumalo ay ang Religious Sectors Group sa pangunguna ni Pastor Roger M Angyab, Barangay Peace Keeping Action Teams (BPATs), mga opisyales at residente ng nasabing barangay.
Tinalakay sa aktibidad ang mga programa ng Kapulisan, Simbahan at Pamayanan na mas lalong magpapalawig at mapagtibay ang kanilang adbokasiya na sumasang-ayon rin sa hangarin ng pamahalaan at kapulisan na magkaroon ng isang maunlad at mapayapang pamayanan para sa lahat ng mamamayan.
Layunin ng aktibidad na lalo pang pagyamanin ang maayos na ugnayan ng komunidad, kapulisan at religious sector tungo sa isang mapayapa, maunlad at maayos na lipunan.
Source: Bayombong MPS
Panulat ni PCpl Harry B Padua
