Mt. Provice – Muling ipinamalas ng 1st Mt. Province Provincial Mobile Force Company 4th Maneuver Platoon ang bayanihan para sa residente sa Atuwanan, Patay, Sagada, Mountain Province nito lamang Enero 19, 2023.
Sa pangunguna ni Police Captain Dexter Ramirez, Platoon Leader, ay tinulungan ng kanyang grupo ang isang residente na si Ginoong Mendoza sa pamamagitan ng paghahalo at pagbuhos ng simento sa kanyang bahay na pinapagawa.
Labis naman ang pasasalamat ng nasabing residente sa mga tauhan ng Mountain Province PNP sa pagtulong at serbisyo na natanggap.
Ang aktibidad na ito ay naglalayong panatilihin at pagtibayin ang pakikipag-ugnayan sa mamamayan at maghatid ng serbisyo at pakikipagtulungan para sa kaayusan, kapayapaan tungo sa magandang kinabukasan.
