Maguindanao – Nasagip ng isang pulis ang batang nalunod sa Zone Beach, Making, Parang, Maguindanao nito lamang ika-18 ng Marso 2023.
Habang nagsasagawa ng police visibility si Police Corporal Mohammad Esmael Ali R Tampipi napansin nito ang isang batang nalulunod, walang pag-aalinlangang tumakbo sa dagat at dinala ang bata sa pampang na agad namang nilapatan ng paunang lunas at matagumpay na nailigtas.
Kinilala ang nasagip na si Zoey Brinice P Magsanay mula sa Midsayap, North Cotabato at ngayon ay nasa mabuting kalagayan na.
Si PCpl Tampipi ay nakatalaga bilang Team Leader ng Zone Beach Detachment ng Regional Mobile Force Battalion 14 na pinangangasiwaan ni Police Lieutenant Colonel Argel Ancheta, Force Commander.
Ang kabayanihan ni PCpl Mohammad Esmael Tampipi ay nagpapatunay lamang sa sinumpaang tungkulin ng isang pulis na paglingkuran at protektahan ang ating mamamayan.
Panulat ni Patrolman Charlie Nasroden Corpuz
