Davao City – Nailigtas ang dalawang taong gulang na batang lalaki sa tiyak na kapahamakan ng pulis Davao sa kahabaan ng Diversion Road, Davao City, noong Setyembre 19, 2022.
Kinilala ni PLtCol Jacy Jay Francia, Force Commander ng 2nd Davao Sur Provincial Mobile Force Company, ang magiting na pulis na si Patrolman John Kenneth Sabuga-a na nakatalaga sa 2nd DSPMFC.
Ayon kay PLtCol Francia, habang tinatahak ni Pat. Sabuga-a ang nasabing lugar ay napansin niya ang isang lalaki na kinilalang si Angelo Julom, 23, residente ng Brgy. Apokon, Tagum City, na hawak-hawak ang kanyang anak na dalawang taong gulang na walang malay.
Agad namang hinintuan ni Pat. Sabuga-a upang tulungan at bigyan ng paunang medikasyon at matapos ay agad naman na isinugod ang mag-ama sa hospital.
Samantala, laking pasasalamat naman ng ama ng bata sa ating kapulisan sa agarang pagtulong at sa pagkakaligtas sa kanyang anak.
Samantala, pinuri naman ni PBGen Benjamin H Silo, Jr, Regional Director ng PRO 11 ang Sagupaa PNP at pinasalamatan sa binigay nilang agarang tulong sa mag-ama na kung saan ay nabigyan ng tyansang mabuhay muli ang bata sa pamamagitan ng agarang pagdadala sa ospital.
Dagdag pa ni PBGen Silo, Jr., “True to form, the CPNP’s MKK=K’s Malasakit Program imbued values to our PNP personnel that led child’s recovery from near-death as well as giving him a chance to live and grow, and experience a beautiful life, which speaks the PNP’s adage, “Life is beautiful. Kaligtasan nyo, Sagot ko!”
Panulat ni Patrolman Alfred Vergara
