Kaagad na isinugod ng mga tauhan ng RMFB 11 Revitalized-Pulis sa Barangay Team Paquibato ang sugatang batang anak ni tatay Orgie Lumbas Sr. sa Malabog District Hospital sa Purok Orchid, Brgy. Paquibato Proper, Paquibato Dist., Davao City dahil sa aksidenteng pagkakataga ng kalaro nito sa bata.
Nang hapong iyon, sa pangunguna ni PCpl JC Mark O Varela, sa ilalim ng pangangasiwa ni PLt Jobert D Mancera, Team Leader, kasama ang isang miyembro ng R-PSB Team 11 SAB, PNP-SAF, at si PCpl Francis R Ruelan, PCR PNCO 1104th MC, RMFB 11, ay buhat-buhat nilang dinala ang bata sa nasabing ospital dahil sa walang bakanteng ambulansiya.
Malaki ang naging pasasalamat ni tatay Orgie sa mga pulis na di nag-atubiling tumulong sa kanila ng kanyang anak. Ayon sa kanya, aksidenteng nataga ng kalaro nito ang kanyang anak na lalaki na naging sanhi ng pagkasugat nito sa kanyang kaliwang binti. Sa ngayon ay patuloy na ginagamot at nagpapagaling ang bata.
###
Article by: PCpl Mary Metche A Moraera
