Parang, Maguindanao – Matagumpay na idinaos ng PRO BAR at FPJ’s Ang Probinsyano Cast ang “Basketball Game for a Cause” sa Parang Gymnasium, Parang, Maguindanao nito lamang ika-15 ng Oktubre 2022.
Ayon kay Police Brigadier General John Gano Guyguyon, Regional Director ng PRO BAR, ang aktibidad na ito ay bahagi ng KASIMBAYANAN ng Pambansang Pulisya sa pakikipagtulungan ng Local Government Unit ng Parang, Pamahalaan ng Maguindanao at iba pang mga stakeholder na naglalayong mas mapalakas pa ang ugnayan ng komunidad, pagtutulungan at pagtitiwala upang makamit ang mga tagumpay laban sa krimen, terorismo at insurhensiya.
Dagdag pa, ang mga celebrity guest ay talagang ibinigay ang kanilang buong presensya at atensyon sa mga tao habang nagpapatuloy ang friendly match na lubos na ikinatuwa ng mga manonod.
Kabilang sa mga celebrity guest players ay sina Mark Anthony Fernandez, Joko Diaz, Mac Andaya, Wendell Ramos, Joross Gamboa, Marco Alcaraz, Diego Loyzaga, Aljur Abrenica, Cyrus Baguio kasama sina Jeric Raval at Katya Santos.
Ang nasabing aktibidad ay natapos ng mapayapa at walang naitalang anumang insidente at nag-iwan ng labis na saya sa mga mamamayan ng Parang, Maguindanao.
Patunay lamang na ang mga ganitong aktibidad ay nagpapakita ng matatag na relasyon sa pagitan ng mamamayan at ng kapulisan.
Panulat ni Patrolman Charlie Nasroden Corpuz
