Cagayan de Oro City – Nagsagawa ng Basic Life Support Training for Medical and Paramedical ang Regional Medical and Dental Unit 10 katuwang ang Department of Health sa Camp Alagar, Cagayan de Oro City nito lamang Mayo 5, 2023.
Ang pagsasanay ay pinangunahan ni Police Colonel Michelle Arban, Chief ng Regional Medical and Dental Unit 10 kasama si Police Captain Rommel Lasanas at Police Lieutenant Patricia Eser bilang Training – Police Commissioned Officer at Training – Police Non-Commissioned Officer.
Ibinahagi sa aktibidad ang kaalaman sa pagbibigay ng paunang lunas sa isang taong sugatan o nawalan ng malay at sinumang nangangailangan ng tulong medikal.
Layunin ng aktibidad na mabigyan ng sapat na kaalaman ang mga tauhan ng RMDU 10 upang mas magampanan ang kanilang tungkulin at mabigay ang serbisyo na may pagkakaisa.
Panulat ni Patrolman Joshua Fajardo/RPCADU10
