Pinangunahan ng mga tauhan ng Regional Medical and Dental Unit (RMDU) 3 ang Opening Ceremony sa Pagsasanay sa Basic Life Support at Lecture Proper na ginanap sa Patrol Hall, Multi-purpose Building, Camp Capt. Julian Olivas, Lungsod ng San Fernando, Pampanga nito lamang Huwebes, ika -17 ng Oktubre 2024.
Ang naturang aktibidad ay pinangunahan ni Police Colonel Jonard J. De Guzman, Chief, RMDU 3 katuwang ang Central Luzon Center of Health and Development 3.
Ang pagsasanay na ito ay naglalaman ng mga mahahalagang teknik tulad ng CPR, pagkilala sa cardiac arrest, at paggamit ng AED.
Sa pamamagitan ng pagtuturo, pinapalakas ng mga tagapagsanay ang kanilang kumpiyansa sa pagsasagawa ng BLS, na naghahanda sa kanila para sa mga aktwal na sitwasyon.
Layunin nitong mabigyan ng sapat na kaalaman at kasanayan ang mga kalahok upang maging handa sa pagligtas ng buhay sa oras ng pangangailangan.
Sa kabuuan, ang programa ay naglalayong palakasin ang kakayahan ng mga tagapagsanay at mga kalahok sa pagsasagawa ng Basic Life Support. Ito ay isang mahalagang hakbang upang masiguro ang kaligtasan at kalusugan ng komunidad sa mga di-inaasahang sitwasyon.
