Pandan, Antique – Nagsagawa ang mga tauhan ng Pandan Municipal Police Station sa pangangasiwa ni Police Captain Narciso V Sables Jr, Acting Chief of Police, katuwang ang Municipal Disaster Risk Reduction Management Office Pandan at World Sikaran Arnis ng Training para sa mga Barangay Tanod na ginanap sa mismong bayan ng Pandan, Antique nitong ika-13 ng Agosto 2022.
Saklaw ng nasabing aktibidad ang Basic Law Enforcement Training na pinangunahan ng Pandan MPS, ang Disaster at Fire Prevention Preparedness na pinangunahan naman ng mga tauhan ng Pandan MDRRMO, habang ang Basic Self Defense Techniques naman ay itinuro ng mga miyembro ng World Black Belter kasama ang mga miyembro ng CAFGU Narral.
Ang mga kalahok ng nasabing pagsasanay ay mga Barangay Tanod at Barangay Officials mula sa dalawang barangay ng Guia at Jinalinan parehong sakop ng Munisipalidad ng Pandan.
Ang himpilan ng Pandan MPS ay patuloy na magsisikap upang maisakatuparan ang parehong mga pagsasanay para sa ikabubuti ng buong komunidad at para sa pagpapanatili ng kapayapaan at kaayusan ng nasabing lugar.
###
