Cebu – Nagsagawa ng Mangrove Tree Planting ang mga tauhan ng Barili Municipal Police Station sa Barangay Giloctog, Barili, Cebu nito lamang ika-13 ng Mayo 2023.
Naging matagumpay ang naturang aktibidad sa pangunguna ni Police Major Janus Giangan, Chief of Police katuwang ang mga miyembro ng COMPACT Barili, BPATs, Bantay Dagat at Barangay Officials.
Tinatayang nasa 500 halamang mangrove ang naitanim ng mga naturang grupo na alinsunod sa PNP Core Values na “Makakalikasan”.
Layunin ng aktibidad na protektahan at pagyamanin ang likas na yamang dagat dahil ang mga bakawan ang nagsisilbing tirahan ng mga nabubuhay na yamang dagat at napapanatili nito ang malinis na kalidad ng tubig ng ating karagatan.
