Nakumpiska sa isang indibidwal ang baril sa Search Warrant operation ng pulisya sa Barangay Longos Proper, Pangasinan nito lamang Marso 31, 2025.
Kinilala ang naarestong suspek na si alyas “Ekele”, 41 taong gulang, empleyado ng isang medical center, at residente ng naturang lugar.
Nakuha mula sa suspek ang isang .38 caliber revolver na may serial number 768733 at limang bala at ito ay mahaharap sa kasong paglabag sa Republic Act 10591 o “Comprehensive Firearms and Ammunition Regulation Act”.
Isinagawa ang operasyon ng mga tauhan ng San Fabian Municipal Police Station sa bisa ng Search Warrant, sa pangunguna ni Police Captain Leoffrey S. Sapi, Deputy ng nasabing istasyon.
Ang pagsilbi ng search warrant ng San Fabian PNP ay nagpapakita ng dedikasyon na mapanatili ang kaayusan at seguridad ng mamamayan.
Source: San Fabian MPS
