Pampanga – Isang loaded na baril ang natagpuan sa loob ng trash bin sa male comfort room sa Third Floor Departure Area, New Terminal Building, Clark International Airport noong Biyernes ng madaling araw ng April 28, 2023.
Base sa ulat, ang nadiskubreng baril na .22 Caliber ay may effaced serial number at kargado ng limang piraso ng live ammunition.
Una itong natuklasan ng isang empleyado ng paliparan at itinago sa isang itim na pouch at agad na itinurn-over sa mga tauhan ng Clark International Airport Police Station (Clark IAPS).
Ayon kay PBGen Jerry F Bearis, Director ng AVSEGROUP, ang nakuhang baril ay nasa kustodiya ng Clark IAPS para sa pag-verify sa talaan ng mga baril, “Ang insidenteng ito sa kabutihang-palad ay hindi lumikha ng kaguluhan sa loob ng paliparan at nahawakan ng mga tauhan sa isang mabilis na pagtugon, pinupuri ko ang mga pulis ng Clark IAPS sa palaging pagiging mapagmatyag at mapagmasid sa kanilang Area of ​​Responsibility.” dagdag pa nito.
