Negros Occidental – Nakumpiska sa isang 43 anyos na lalaki ang baril at shabu sa Search Warrant operation na isinagawa ng San Enrique Municipal Police Station sa Sitio Panalsalan, Brgy. Poblacion, San Enrique, Negros Occidental nito lamang Sabado, Abril 1, 2023.
Kinilala ni Police Major Bonifacio Aral, Jr, Hepe ng San Enrique Municipal Police Station, ang suspek na si alyas “Caloy”, 43, residente ng nasabing lugar.
Ayon kay PMaj Aral Jr, nahuli ang suspek ng mga operatiba ng San Enrique MPS sa pangunguna ni Police Captain Sammy Gasataya bandang 11:30 ng umaga matapos makuhanan ang suspek ng Colt .45 Caliber pistol na walang serial number, isang magazine na naglalaman ng walong bala at isang sling bag na naglalaman ng holster ng pinaniniwalaang caliber .45.
Nakuha rin mula kay alyas Caloy ang dalawang malaking plastic sachet ng suspected shabu, tatlong maliliit na plastic sachet ng suspected shabu, drug paraphernalia, at mga bladed weapon.
Ang suspek ay nahaharap sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Ang San Enrique PNP sa pamumuno ni PMaj Aral Jr. ay patuloy na ipatutupad ang pagpapaigting sa kampanya kontra ilegal na droga at ano mang uri ng kriminalidad para sa ligtas at payapang komunidad.
Source: San Enrique MPS
Panulat ni PMSg Leah Valero
