Iloilo – Nagresulta sa pagkakakumpiska ng dalawang unlicensed firearm at mga bala ang isinagawang paghahain ng Search Warrant ng PNP sa Brgy. Manaolan, Badiangan, Iloilo, kahapon, ika-2 ng Abril 2023.
Ang implementasyon ng Search Warrant ay ipinatupad ng pinagsanib na pwersa ng Badiangan Police Station, RMFB6 at 2nd Iloilo PMFC.
Ayon kay Police Major Bonifacio L Alabe Jr, Acting Chief of Police ng Badiangan PNP, target ng nasabing Search Warrant ang bahay ni Remenor Paris Lozañes, residente ng nabanggit na lugar.
Ayon pa kay PMaj Alabae Jr., hindi na naabutan ang naturang subject person sa kanyang bahay ngunit narekober naman sa bahay ni Lozañes ang isang (1) homemade 12-gauge shotgun; isang 357 revolver; siyam (9) na 12 gauge live ammos; dalawang (2) 357 live ammos, isang (1) .56 M16 live ammo, dalawang inside short firearm holsters at mga empty shells.
Patuloy na hinihikayat ng Badiangan PNP ang mamamayan sa kanilang nasasakupan lalo na sa mga residenteng nagmamay-ari ng mga hindi lisensyado at ilegal na baril na huwag mag-atubiling lumapit sa kanilang himpilan upang ito’y isuko at mabigyan ng kaukulang aksyon.
