Nakumpiska mula sa isang magsasaka ang baril at mga bala sa isinagawang search warrant operation ng mga otoridad sa tahanan ng suspek sa Barangay Dumaguil, Norala, South Cotabato noong Abril 7, 2025.
Kinilala ni Police Major Jose I Golez Jr., Hepe ng Norala Municipal Police Station, ang suspek na si alyas “Romeo”, 52 anyos, at residente ng nasabing barangay.
Pinangunahan ng Criminal Investigation and Detection Group (CIDG) 12 – South Cotabato Provincial Field Unit, katuwang ang Norala Municipal Police Station, ang implementasyon ng Search Warrant No. 0231-2025-N para sa paglabag sa Republic Act 10591
Narekober sa pag-iingat ng suspek ang isang yunit ng Caliber .45 Pistol na may kasamang magasin at pitong (7) bala at isang yunit ng Cal. 9mm pistol na may kasama ding magasin at 10 na bala.
Nahaharap sa kasong paglabag sa Republic Act 10591 o “Comprehensive Firearms and Ammunition Regulation Act” ang suspek.
Muling pinapaalalahanan ng PNP ang publiko na mahigpit na ipinagbabawal ang pagkakaroon ng baril at bala na walang kaukulang dokumento. Ang sinumang lumabag ay kakasuhan at papatawan ng kaukulang parusa. Ang PNP ay nananatiling matatag sa kampanya nito para sa seguridad, kapayapaan, at kaayusan ng bawat komunidad.
Panulat ni Patrolman Kherwin Jay Medelin
