Nakumpiska ang ilegal na baril at hinihinalang marijuana sa ikinasang search warrant operation ng mga awtoridad sa Barangay New Bantangan, Columbio, Sultan Kudarat nito lamang umaga ng Miyerkules, Pebrero 5, 2025.
Kinilala ni Police Major Joemari Y Cua, Acting Chief of Police ng Columbio Municipal Police Station, ang suspek na si alyas “Roger”, residente ng nasabing lugar.
Bandang 8:14 ng umaga, nakumpiska ang nasa 31 gramo ng pinatuyong dahon ng marijuana na may tinatayang halaga na Php4,650, at isang yunit ng cal 22 revolver na may kasamang tatlong bala.
Nahaharap ang suspek sa kasong paglabag sa Republic Act 10591 o ang “Comprehensive Firearms and Ammunition Regulation Act”.
Walang humpay ang Pambansang Pulisya sa pagsasagawa ng iba’t ibang operasyon at kampanya na nakatutok sa rehabilitasyon at reintegration para sa mga kabataan upang makaiwas sa ilegal na droga, ganundin upang hulihin ang mga taong sangkot sa paggamit, pagbebenta, at nagbibigay proteksyon dito.
