Lobo, Batangas – Narekober ng otoridad ang isang baril at mga gamit pampasabog sa Brgy. Malalim na Sanog, Lobo, Batangas nito lamang Lunes, Hulyo 25, 2022.
Napag-alaman ni Police Captain Roy Cuevas, Chief of Police ng Lobo Municipal Police Station na bandang 8:10 ng umaga nagkaroon ng engkwentro ng 59 Infantry Battalion at miyembro ng Communist Terrorist Group sa pamumuno ni alyas Arya.
Ayon pa kay PCpt Cuevas, umabot sa sampung minuto na palitan ng putok dahilan sa pagkawatak-watak at pag-atras ng mga naturang terrorist group patungo sa magkakaibang direksyon.
Narekober sa pinangyarihan ang isang AK47 (Danao), tatlong Jungle Pack, mga wiring ng Improvised Explosive Device (IED) at iba pang mga gamit pampasabog.
Nananawagan naman ang Lobo MPS na makipag-ugnayan sa kanilang tanggapan para sa anumang impormasyon na makakatulong sa pagsugpo sa mga salot at teroristang grupo na dala ay karahasan at terorismo sa komunidad.
###
Panulat ni Police Executive Master Sergeant Joe Peter Cabugon
