Arestado ang isang lalaki matapos mahulihan ng baril at droga nang magsagawa ng roving ang Cebu City PNP sa Barangay Luz, Cebu City noong Enero 25, 2025.
Kinilala ni Police Major Romeo Durano Caacoy Jr., Station Commander ng Police Station 4, Cebu City Police Office, ang suspek na si Randy, 36 anyos, residente ng nabanggit na lugar.
Bandang alas 12:15 ng hating gabi nang magsagawa ng roving ang mga awtoridad na nagresulta sa pagkaaresto sa suspek at pagkakumpiska ng dalawang (2) pakete ng hinihinalang shabu na nasa 10 gramo at may Standard Drug Price na Php68,000, isang unit ng caliber 38 revolver, at apat (4) na bala.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”, RA 10591 o “Illegal Possession of Firearms and Ammunition” gayundin sa COMELEC Gun Ban na kasalukuyang umiiral.
Ang matagumpay na operasyon ng mga kapulisan ng Cebu City ay patunay lamang ng kanilang dedikasyon upang matiyak ang kaligtasan at kaayusan ng ating komunidad para sa isang Bagong Pilipinas.
